Анджэй Бурса

ЛЮІЗА (Краявід ІІ)

Жывой крывёй брыняюць дрэвы і смыляць
Зялёная зязюля у ракітніку
Сьцябло пячэ у роце горкай сольлю
Калі змаўкае горла вечару

Штылеты забіваюць рэчку пакрыёма
Застыглы пульс вады і сьлізгат лёзаў
На лесу звугленых плячох
Згасае нашага каханьня краявід

Люіза тут знаёмае мне ўсё да сьлёз крыві
Я разумею кожны знак на небе і ў мэтале
Глядзі вось наш сакрэтны альфабэт схаваны
У краявідзе на які спадуць і меч і гром

Пераклала з польскай мовы
Хрысьціна ГРАМАТОВІЧ